KALIBO, Aklan—Arestado ro daywa ka mga persona matapos mag-eabag sa ginapatuman nga social distancing takna alas 11:00 kabi-i sa kahabaon it Brgy. Estancia, Kalibo.
Ro daywa hay ginkilaea kanday Romel Nival, 29-anyos ag Aron Niverca, 18-anyos, parehong residente it Brgy. Tamalihaw, Madalag.
Base sa report, una sa idaeom it makahieilong nga aeak ro daywa kung siin naaktuhan sanda it mga nagapatrolyang miyembro it Kalibo PNP nga magkaangkas sa sangka motoriklo sa nasambitang lugar.
Maeuwas kara, gin-bayolar man it mga raya ro COVID-19 curfew hour.//Maga-pauli eon kunta sa banwa it Madalag sanday Nival ag Niverca para magtambong sa kaadlawan it andang himata makarun nga adlaw.
Sa makarun hay presente sandang nagahimas it maeamig nga rehas sa Kalibo Police Station para sa nagakaigo nga disposisyon.
