KALIBO, Aklan—Haeos 99.5% eon nga haum ro delegasyon it Antique para sa 2023 Western Visayas Regional Athletic Association ukon WVRAA Meet sa maabot nga Abril 26 hasta 30.
Suno kay Antique Schools Division Superintendent Dr. Nicasio Frio nga imaw man ro nagatindog nga over-all chairman it andang delegasyon nga natigayon eon nga natapos ro ocular inspection it Department of Education ukon DepEd Review and Accreditation Committee sa mga playing venues ag billeting quarters.
Ginkumpirma man nana nga mayad man ro akomodasyon nga gintau kanda it Aklan National School of Arts and Trades sa Andagao, Kalibo.
Nakaangkon sigon sanda it problema sa mahina nga supply it tubi nga kon amat hay owa gid it may nagatubod sa mga gripo.
Bangud kara, may kahigayunan nga naga pila it maeawig ro andang mga atleta ag iba pang opisyal bangud sa mahina nga tubi sa billeting quarters.
Gindugang pa nga una sa mayad nga pang-eawason ro andang student-athletes agud nga sumabak sa kompetisyon.
Tuyo it regional meet nga mataw-an it kahigayunan ro mga estudyante nga maipakita ro andang talento sa napili nga sports event, makapili it best athletes nga maga-represent sa Western Visayas region sa Palarong Pambansa.
