Uman nga nagpadumdom ro Department of Health (DOH) sa publiko nga uwa pa it napamatud-ang epektibong pangbueong sa sakit nga dengue.
Sa padayon nga pagtaas it kaso it dengue sa Pilipinas, ginpahayag ni DOH medical officer Dr. Kim Patrick Tejano, nga ro mga virus hay malisod makaangkon it antivirals.
Ginpahayag dugang ni Tejano nga may nagapadayon pang pagtuon sa mga posibleng pangbueong para sa dengue, apang uwa gihapon it ginakabig nga epektibo sa makaron.
Samtang, uman nga gin-insister ni Tejano ro paandam it ahensya sa paggamit it alternative ag herbal treatments para sa dengue kaparehas it tawa-tawa, siling labuyo, ag bayabas.
Suno sa DOH, ro pinakamayad nga pamaagi para masuk-ean ro sakit hay sa pinaagi it paglikaw sa mga eamok.
Ginarekomenda ro pagsuksok it eambong nga may mahabang butkon agud mabuhinan ro pagkaexpose it panit.
Tempranong magpakonsulta sa doctor kon makaeksperyensya it mga sintomas kaparehas it eagnat, pagpanakit it ueo ag maabong iba pa.
