Nagakabaeaka si Sangguniang Bayan member Agosto Tolentino nga maka-apekto sa madasig nga pagka-antigo it mga estudyante ro ginpaguwa nga Department Order 49 series of 2022.
Suno kay SB Tolentino nga bilang sangka dating manugturo, bukon imaw it pabor sa bag-ong suendanan it DepEd nga nagatuyo nga mapabaskog pa ro professionalism it mga teachers sa pag tau it maayos nga edukasyon sa mga unga.
Kaibahan kara ro pagbawae sa mga relasyon ag pakikipag-istorya sa social media sa mga estudyante kun guwa eon raya sa isyu angot sa eskwelahan.
Ginpahayag kara nga nakasanayan eon nanda dati it anang mga estudyante nga naga-follow-up sa mga leksyon nga andang gintalakay pagkatapos it klase ukon sa anang vacant time.
Agud nga madali nga matun-an, gina explain nana ro anang leksyon sa English ag akeanon.
Bangud sa makarondaya nga set-up hay mas naging close sigon kana ro anang mga estudyante ag mas pa sanda nga nag-aeam.
Sa pihak nga parte, maka-apekto eamang sa pagiging professional it mga teachers kon ro anang gina-obra hay maeain .
