KALIBO, Aklan–Ginpaeawig pa it Department of Education (DepEd- Aklan) hasta hulyo 15 ro enrollment sa mga pampublikong eskwelahan para sa masunod nga school year 2020-2021.
Ginpahayag ni Assistant Schools Division Superintendent Niro Nillasca it DepEd -Aklan nga extended ro enrollment sa mga public schools nga gintaeana ko Hunyo 1 ag magatapos kungta ko Hunyo 30.// ginapahayag dugang nga ro nasambitan nga desisyon hay ginbilog bangud may mga estudyante pang owa nagpa-enroll.
Ginpatuman it DepEd ro remote enrollment sa mga public school, kung siin nag-enroll ro mga inunga pamaagi sa text message, phone call ukon social media.
Umpisa sa Hunyo 16, igapatuman man it DepEd ro drop box enrollment kung sa siin kinahangean eamang ihueog ro mga enrollment form sa mga kahon nga nakabutang sa mga barangay hall, eskwelahan ag iba pang lugar nga madaling makita it kaabuan.
Sa uman nga pagbukas it klase hay magagamit ro mga eskwelahan it online portals, printed ag digital modules, radyo ag telebisyon para maihatod sa mga estudyante ro lesson.
Samtang, igabawae man ro face-to-face classes bangud sa paeag it coronavirus disease ukon COVID-19 pandemic.
