BORACAY, Island — Sentro makaron nga dag-on ro inobasyon, teknolohiya, ag mas inklusibong turismo sa nakataeanang pagselebrar it Tourism Week 2026 sa Setyembre 12 hasta it 20.
May temang “Empowering Tourism Excellence Through Digital Transformation,” tuyo it selebrasyon nga ipakita kon paano makabulig ro digital tools, inobasyon ag mga teknolohiya nga kaparehas it Artificial Intelligence sa pagbilog it mas maaeam ag napabilin gihapon ro mabaskog nga sektor it turismo.
Kadungan kara, pagataw-an man it mportansya ro kultura, kalikasan ag kapakanan it lokal nga komunidad.
Samtang sa pihak nga parte, gin-highlight ni Malay Chief Tourism Operations Officer Dr. Felix G. Delos Santos Jr. ro sustainable tourism concept it Boracay sa Regional Travel Fair nga ginpatigayon sa Alnor Hotel and Convention Center sa Cotabato City.
Ginpunto nana ro importansya it pag-amlig sa kalikasan, pagpasakop it komunidad ag responsableng turismo bilang kaparte it pagpaumwad sa Boracay bilang “The World’s Best Beach.”
Mag-eowas sa Boracay, ginpakilaea man it delegasyon ro kultura, eco-tourism destinations, ag mga lokal nga produkto ag serbisyo it mainland Malay agud iduso ro mas inklusibo ag makakalikasang turismo.
