National News ——–Nagapati sigon si Department of Interior and Local Government (DILG) Secretary Eduardo Año nga uwa nag-eabag ro gobyerno sa pagpaturok it bakuna kontra sa coronavirus it pilang miyembro it Presidential Security Group (PSG).
Pagklaro it opisyal nga ro ginabawaean sa laye hay ro pagbaligya ag pagpanupod it bakuna nga bukon pa it aprubado it Food and Drug Administration (FDA).
Gin-insister pa it Vice Chairperson it pandemic task force it nasyon nga inde man sigon kinahang-ean it approval it FDA ro ginamit nga bakuna bangud sa “personal consumption” sigon ro pagturok kara.
May una eon sigon nga emergency use authorization (EUA) ro ginamit nga bakuna sa nasyon nga ginhalinan kara.
Madumduman nga ginkaakig it mga healthcare group matapos ginbulgar ni Pangueong Rodrigo Duterte nga naturukan eon it COVID-19 vaccine halin sa chinese pharmaceutical nga Sinopharm ro pila sa anang close-in security guards.
