HEALTH News– Ginapadahan it Department of Health ro publiko kontra sa nagkaeain-eain nga sakit nga posibleng magtuhaw makaron nga tyempo it El Niño.
Gintaw-an it punto ni Health Secretary Teodoro Herbosa nga may mabahoe nga epekto ro kahimtangan it tyempo sa kaeawasan it mga tawo rason nga dapat nga magdahan kontra sa sa vector-borne diseases kapareho it dengue ag waterborne diseases kapareho it cholera.
Gin-insister pa ni Sec. Herbosa nga dapat nga mapahauman ro peligro nga daea it El Niño.
Ginpakigbahin man ni Health Spokesperson ag Undersecretary Enrique Tayag nga nakaangkon it dengue outbreak sa kasagsagan it El Niño ko 1998.
Kada may El Niño sigon hay maabu nga nagasag-ob ag nagatipon it tubi rason nga maabu nga water containers ro nagaserbing ‘breeding places’ it mga namok.
Ginpasiguro man kara nga pagabantayan it ahensya ro presyo it mga bueong sa merkado agtud nga masigurong owa it magapamintaha sa sitwasyon.
