Ginbalibaran it Department of Health (DOH) nga owa it kamatuoran ro nagakalhit nga isyu nga nag-expire ukon nagpaso eon ro mga bakuna nga gingamit it gobyerno sa pagbakuna para sa booster.
Pagklaro ni DOH officer-in-charge Maria Rosario Vergeire nga bukon it expired ro mga covid-19 vaccines nga ginagamit para sa booster shots bangud may extended shelf life ro mga nasambit nga bakuna.
Dugang nga pagpaathag ni Vergeire nga nakipag-angot eon sanda sa Food and Drugs Adminsitration (FDA) engkaso may mga bakuna nga maeapit eon mag-expire para maicoordinate raya sa manufacturers it mga bakuna para matumod kung may posibilidad pang maextend ro shelf life it covid-19 vaccines.
Nagapaidaeom sigon sa stability study ro mga expiring vaccines kung siin nagapaidaeom sa nagakaigo nga proseso nga nagatumod sa igabuhay nga mapabilin ro kalidad it sangka produkto sa lifespan kara.
Sandig sa latest data it DOH, masobra sa kapin 18 million Pilipino ro naka-angkon it unang booster shot.
