Iga-eakip sa 2027 budget ro mga proyekto it gobyerno agud nga pabaskugon ro flood control ag malikawan ro grabeng pagbaha.
Sa Malacañang press briefing, ginpahayag ni Department of Public Works and Highways (DPWH) Secretary Vince Dizon nga nagapangunang pagatutukan ro pagpatuman it flood control masterplans ag pagkumpuni it mga nasamad nga flood mitigation projects.
Kaibahan man sa prayoridad ro pagpamayad it flood control systems sa mga urban area nga pirmeng nakaka-eksperyensiya it pagbaha, kaibahan ro Metro Manila, Cavite, Laguna, Bulacan ag Cebu.
Owa man ginmitlang it sekretaryo ro haega it pondong igataeana para kara bangud nga ginahueat pa ro final budget proposal it Department of Budget and Management (DBM) nga igasumite sa Kongreso makaron nga adlaw.
