Todo-bida si PNP Chief, PGen. Rodolfo Azurin, Jr. nga owa it nailistang casualties ro pulisya sa andang mga naging operasyon kontra sa ilegal nga droga.
Nauna eon nga gin-insister nga kinahangean nga ipatuman it pulisya ro laye sandig sa tamang proseso bangud nga mabudlay eon kon ro mindset it kapulisan hay kinahangean nga pirmeng may nagakamatay sa kada nagapatigayon it makarondaya nga klase it mga operasyon.
Umpisa ko Setyembre 1 hasta 17 hay owa sigon it naging casualties sa 1,790 nga mga operasyong andang gipatigayon kun sa siin naaresto ro kapin sa 1,952 nga mga drug offenders ag high-value suspects.
Dikara hay nadakpan ro 67.8 kilos it shabu, 194 kilos it marijuana products, ag 701,000 nga tanum nga marijuana nga ginatantiya nga may katumbas nga P625.1 million pesos.P
Padayun nga nagabaha ro droga sa nasyon ag pila eon ayhan nga kabuhi ro gin-guba it nasambit nga bisyo.
Mas mayad kunta kon mas maabu nga drug lord ro mapresu.
Sanda nga mismong may mga buyot it sistema ag nagakita ro target it administrasyon ni Pangueong Bongbong Marcos.
Nasayuran naton nga ro droga ro sambilo sa mga saeot nga mas pang nagapabudlay sa sosyudad
Masarangan kara nga waskon ro kabuhi it maskin sin-o man.
Owa it ginapili.
Rason nga ginahangkat sa pamunuan it PNP, bukon eamang it zero casualties sa drug war ro dapat tutukan, kundi eabi eon ro mga mabahoe nga tawo nga sa likod kara.
Owa eon it mas nga nakaka-bilib sa pagpapanaog it penalidad sa mga naga-astang untouchable.
Ag ginapanawagan sa tanan eabi eon ro mga naeakot sa iligal nga droga nga may tiempo pa agud nga magbag-o ag makaron eon ro tama nga tiempo .
