Naberepika it Department of Social Welfare and Development (DSWD) ro masobra sa 400-k nga mga pamilya bilang kaparte it Pantawid Pamilyang Pilipino Program ukon 4P’s.
Makabaton ro mga raya it sangka conditional cash assistance halin sa ahensya nga dapat itaeana para masigurong makasueod ro andang mga onga sa eskwelahan.
Suno kay DSWD Asec. ag Spokesperson Irene Dumlao, ro kabilugang 434,317 nga mga pamilya ro masunod nga mataw-an it tsansa para maging benepisyaryo it programa.
Sa makaron, inde magnaba sa 4 milyong pamilya ro benepisyaryo sa idaeom it programa kon sa siin nagabaton ro mga raya it bueanang suportang pinansyal para sa kinahang-eanon pang-ikamayad nga eawas ag dugang bulig para sa pag-eskwela it mga onga sa kada panimaeay nga benepisyaryo it programa.
