Naka-focus sigon sa makaron ro Department of Social Welfare and Development (DSWD) sa paggamit eon it online registration antes ro aktuwal nga pagpanupod it educational assistance sa mga estudyante.
Kasunod eon man raya it pagbuhos it mga estudyanteng gustong makaboue it cash assistance ko nagtaliwan nga Sabado.
Suno kay DSWD Sec. Erwin Tulfo nga ro andang target sa makaron hay maipanupod it maayos sa mga lugar ro cash aid sa mga estudyante sa nabilin nga limang Sabado it nasambit nga programa.
Paga-unahon sigon it DSWD ro pagpanupod it educational cash aid sa mga naka-register ag gilayon nga pagasundan it mga walk-in applicants nga owa pa naka-sign up online.
Maga-designate man ro ahensiya it QR codes ag email addresses nga puwedeng ma-access it mga beneficiaries para magparehistro kada rehyion.
Magapaguwa man sa sigon ro taeatapan it bag-ong sueundanan ukon guidelines angot kara.
