Hugot nga pagabantayan it Department of Trade and Industry (DTI) ro pagpatuman it price freeze sa mga nagapangunang baeak-eon sa Metro Manila.
Ro nasambit nga mandato hay kasunod it pagdeklara ni Pangueong Ferdinand Marcos Jr. it State of Calamity sa Metro Manila.
Suno kay Trade Secretary Alfredo Pascual nga tuyo it price freeze hay para maprotektahan ro mga consumers halin sa bukon it makatarungan nga pagtaas it presyo it mga baeak-eon makaron nga tyempo it krisis.
Gustong siguraduhon it ahensiya nga magpabilin nga masarangan ro presyo it mga baeak-eon para sa mga apektadong pamilya.
Sakop it price freeze ro bugas, mais, tinapay, tinuean-on, karne it baboy, baka, manok, itlog ag maabong iba pa kamana man pilang mga bueong nga ginakilaeang essential it Department of Health.
