Ginpaandaman it grupo nga BAN Toxics ro publiko kontra sa posible nga peligro it pilang mga plastic beach and water toys nga gina-alegar nga may sueod nga delikado nga kemikal.
Raya hay matapos gintestingan it grupo ro pilang mga hampangan kapareho it water guns, swim goggles, floating plastic ducks, ag sand play toys nga ginabaligya sa mga kiosko ag ambulant vendors sa Metro Manila.
Sa sangka pag-analisar nga ginhimo gamit ro sangka handheld chemical analyzer, pilang mga sample ro natukiban nga may mataas nga lebel it cadmium, chromium, tingga, ag mercury nga sobra sa gintaeana nga mga sueundanan sa kaeuwasan it mga hampangan.
Mag-eowas kara, maabu man nga mga hampangan ro nakitaan it mataas nga chlorine content, sangka indikasyon it paggamit it PVC ukon polyvinyl chloride.
Gintaw-an it atensyon it BAN Toxics nga ro exposure sa nasambit nga mga kemikal hay posibleng makatuga it kataeagman sa ikamayad nga eawas it mga pamatan-on eabi eon makaron nga tig-ilinit kon ro mga hampangan sa baybayon ag sa tubi hay mas pirme nga ginagamit.
Bangud kara, ginapanawagan it grupo sa mga ginikanan nga mangin kritikal sa pagbakae it mga hampangan ag siguraduhon nga safe ag may insakto nga label ro mga produkto nga andang ginabakae para sa andang mga inunga.
