Owa ginpanginwaea ni Acting Senate Sergeant-at-Arms Ret. P/Maj. Gen. Mao Aplasca nga magka-klase sanda ni Sen. Bato dela Rosa sa Philippine Military Academy (PMA).
Apang suno kana, raya hay owa nagakahueugan nga staged ukon planado nanda ro kinagamo sa Senado ko gabi-i it Miyerkules, May 13.
Gin-insister man ni Aplasca nga owa kunta it natabu nga kinagamo kon owa mag-abot ro National Bureau of Investigation (NBI) sa Senado.
Raya hay kabaliskaran sa pahayag it NBI nga owa sanda nag-agto sa lugar para iserbe ro arrest warrant kontra kay Dela Rosa kundi gin-request sanda ni Jose Arnulfo “Wick” Veloso nga President and General Manager it Government Service Insurance System (GSIS) nga mag-secure it Senate building.
Nasayuran nga ginapanag-iyahan it GSIS ro Senate building.
Sa video man nga ginpaguwa it NBI, klaru nga owa sanda it plano nga magpang-gulo bangud nagpaeagyo pa ro andang mga personnel kat una nga magpaeupok si Aplasca.
