KALIBO, Aklan—Nagpatuman ro Department of Trade and Industry (DTI) it Suggested Retail Price (SRP) sa pilang ka mga produkto umpisa ko Pebrero 8.
Suno kay Carmen Iturralde, Provincial Director it DTI-Aklan nga ro mga produkto nga naeakip sa andang ginbutangan it SRP ag nakaangkon it price increase hay ro mga canned sardines, tomato sauce, 3in1 nga kape, processed milk, noodles, tinapay, detergent soap, canned meat, kandila ag condiments.
Ro paghueag sigon sa presyo it pilang baeak-eon hay tuga it pagtaas sa presyo it mga ginagamit nga raw ag packaging materials, transportation cost ag iba pang expenses it mga manufacturer.
Halin sigon sa kabilugan nga 141 stock-keeping units hay 35 porsyento ro nakaangkon it pagtaas sa presyo samtang 65 porsyento man ro nagapabilin sa dati kara nga presyo.
Sa pihak nga parte, nagapadayun man ro mga upcoming training and mentoring program it DTI para sa mga Micro-Small and Medium-Sized Enterprises (MSMEs) agud nga mapaumwad ro andang negosyo.
Sa kamatuoran suno kana hay may igalunsar sanda nga sangka programa para sa mga kababayin-an nga negosyante sa buean it Marso.
