Nagpanawagan si Senator Sherwin Gatchalian sa gobyerno nga magpahaom it supplemental budget agud maprotektahan ro mga Pilipino sa epekto it padayon nga tensyon sa Middle East.
Suno kay Gatchalian, posibleng magakinahang-ean it dugang nga P60 bilyon hasta it P400 bilyon agud maipadayon ro social amelioration programs kon magabuhay ro krisis.
Ginsuhestyon man nana ro posibilidad it Bayanihan 3, kaibahan ro loan reprieve ag temporaryong pagpundo it interest sa credit cards.
Sa report it Senate PROTECT nga ginsumite sa Malacañang Palace, ginrekomenda ro targeted aid kaparehas it P1,500 nga bueanang bulig para sa 5 milyong minimum wage earners ag MSME workers, ag dugang nga ayuda para sa 3.5 milyong benepisyaryo it Pantawid Pamilyang Pilipino Program (4P’s).
Kaibahan man sa proposisyon ro P3,000 bueanang ayuda para sa 1.4 milyong kubos nga pamilya ag pagpaeapad it Walang Gutom Program agud mapabaskog ro seguridad sa pagkaon.
