𝗨nemployment rate, nagnaba sa 5.0% ko Marso – PSA

Nakitaan it sangkiri nga pagnaba ro unemployment rate ko nagtaliwan nga buean it Marso.

Suno sa Philippine Statistics Authority (PSA) una raya makaron sa 5.0% halin sa 5.1% ko Pebrero.

Katumbas raya it kapin sa 2.58 milyon nga Pilipino nga owa it trabaho ko Marso halin sa 2.66 milyon ko Pebrero.

Ro employment rate hay nagtaas sa 95.0% ko Marso ukon katumbas it mga 49.07 milyon nga mga Pinoy nga naga-empleyo.

Samtang, ro underemployment rate ro nairekord sa 12.3% ko Marso, mas mataas kaysa sa 11.8% ko Pebrero.