NATIONAL News — Ginaeauman ni Senator Imee Marcos nga malikawan ro mabahoe nga mga kahalitan ag casualties sa bagyo matapos ginpataasan ro budget allocation it Philippine Atmospheric, Geophysical, and Astronomical Service Administration (PAGASA) sa 2025.
Halin sa ₱1.641 billion nga budget it PAGASA, magataas raya sa ₱1.931 billion sa masunod nga dag-on.
Ginkasubo ni Marcos nga kada dag-on nagatau it pondo ro Kongreso apang ro PAGASA hay napaseawan sa gihapon sa pagtau it paandam sa kada tiempo nga may mabaskog nga bagyo.
Suno kana, kunta hay gina-alerto it PAGASA ro mga local government units (LGUs) sa kabahueon ag kabaskugon it uean it bagyo nga si Kristine ko kan-o eamang agud nga na-evacuate eagi ro mga residente sa mga landslide prone areas ag maabu nga kabuhi ro naeowas sa Batangas.
Ko agahon it Oktubre 20, gin-release it ahensya ro public weather forecast nga naga-abiso nga ginaeauman nga magsueod sa Philippine Area of Responsibility (PAR) ro low pressure area ag ginaeauman ro pagbubo it mabaskog nga uean sa pilang parte it Luzon.
