MAKATO, Aklan – Nasapwan nga patay ro sangka 38-anyos nga persona sa may bahin it Brgy. Tugas, Makato Aklan, kaina it agahon alas-10 sa sangka suba.
Panugiron ni Police Master Sergeant Rowel Montuya imbestigador it Makato PNP nga nagtawag sigon kanda ro Brgy. Kagawad it nasambitan nga lugar ngani insigida sanda nga nagresponde.
Nakilaea ro biktima nga si Joel Tumanon sangka mangingisda ag residente man it lugar.
Pagsaysay ni Montuya nga sangka mangingisda nga nagahingaean kay Jude Ian Maayon man ro nakakita kay Tumanon nga naga-eutaw-eutaw.
Gin-eksamina ni Montoya ro eawas it biktima ag uwa man it nakita nga lastro ukon senyales it foul play ag pati ro pamilya it namatay hay kumbinsido man ngani nga uwa eun it himuon nga imbestigasyon pa.
Ginapatihan it anang ina nga raya hay inatake it epilepsy ag raya ro gintunaan it anang kamatayon samtang nagapangisda ag nagabueo it taeaba.
