Pormal eon nga gin-umpisahan ro FIFA World Cup 2022 sa Al Bayt Stadium sa Al Khor Qatar.
Raya ro kauna-unahan nga kahigayunan nga makahost ro nasyon it Qatar it sambilog sa pinakamabahoe nga event sa kasaysayan.
Nasayuran nga grabe nga pagpahaom ro ginpatigayon it nasambit nga nasyon para sa nasambit nga world cup.
Matapos ro opening speech ni Sheikh Tamim bin Hamad Al-Thani ro Emir it Qatar hay ginapkita ro mga pailaw ag mga fireworks nga ginsundan it mga pagpakita it mga national flas it mga nasyon nga naga partisipar, mascots ag ro mga jerseys it mga koponan.
Kung siin sambilog sa naging highlight it opening ceremony tag nagguwa para magkanta ro Korean boy group member it BTS nga si Jung Kook.
Ginkanta kara ro official world cup song nga “Dreamers” kaibahan si Qatari singer Fahad Al-Kubaisi.
Samtang, Ginpahuya man it Ecuador ro host country nga Qatar matapos piyerdihon kara sa unang hampang nga may score nga 2-0 sa unang hampang sa group A it FIFA World Cup 2022.
Bumida sa kadaeag-an it Ecuador si Enner Valencia nga nakalunsar it daywang goal it Ecuador.
Nakaangkon it mabahaoe nga hangkat ro Ecuador tag makabatyag it pagpaeanakit it anang tuhod si Valencia sa 77 minuto it hampang rason nga gin-islan raya ni Jose Cifuentes.
Makabig nga naging yabe sa Ecuador para magdaog ro naging owa paghuyap sa unang puntos nanda tag tawgon nga offside sa unang limang minuto it hampang.
Samtang, nakalista man it record ro Qatar bangud sanda eamang ro host country nga napiyerdi sa opening game sa kasaysayan it FIFA World Cup.
