KALIBO, Aklan—Mainit ro pagbaton it mga Kalibonhon sa pagbisita ni Efren “Bata” Reyes sa banwa ku nagtaliwan nga adlaw it Huwebes, Agosto 8.
Nagpakitang gilas si Reyes kaibahan si Mayor Juris Sucro sa sangka exhibition match sa may Andagao Covered Court ku gabei it kaparehong adlaw ag nagdayo sa may bahin it Oyo Torong ku nagtaliwan nga Sabado.
Pahayag ni Jay’Ar Arante head it LGU Kalibo – Media Team, nga gintaw-an man it acknowledgement ro nasambitan nga “The greatest pool player of all time”.
Dinumog man it maabong tawo ro nasambitan nga aktibidad apisar nga gabei kun siin nagapamatuod sigon nga maabo ro mahilig sa billiard.
Gin-imbatahan man it mga businessman si Reyes.
Malipayon man si Reyes bangud sa mainit nga pagbaton kana.
Ginpamalibaran ni Arante nga ro mga pagdaea it mga nasambitan nga sikat nga personlaidad sa banwa it Kalibo hay may kaangtanan sa karera sa politika it alkalde.
Maabo pa sigon ro mga nakalinyada nga mga mahimo daehon it alkalde sa banwa eabi eun sa pagpahaom sa paeaabuton nga Opening Salvo.
Sa pihak nga parte, madinaeag-on ro naging proyekto ukon aktibidad it alkalde nga pagpanupod it haeos 3,000 school supplies sa mga public schools sa 16 nga barangays sa Kalibo.
Ginakabig nga raya hay mabahoe nga bulig sa mga inunga ukon ginikanan it tanan nga nataw-an.
