Ginpahayag ni Agrarian Reform Secretary Conrad Estrella III sa budget deliberation it Department of Agrarian Reform ukon DAR nga pagapirmahan eon ni Pangueong Ferdinand R. Marcos Jr. ro executive order nga magapatuman it moratorium sa mga loan payment it mga agrarian reform beneficiaries.
Ginpahayag ni Estrella nga ro EO hay nakataeanang pagapirmahan it panguleo sa anang kaadlwan sa paea-abuton nga Septyembre 13.
Dugang pa kara nga may salig imaw kay Pangueong Marcos Jr. Bangud mabahoe nga bulig sa mga benepisyaryo kung siin ro pangbayad dapat it utang hay puwedi nandang magamit nga dugang capital.
Nagapanawagan man ro DAR chief sa mga kongresista nga ipasa rp hagna nga condonation it land amortization fees it mga agrarian reform beneficiaries.
Sa pihak nga parte, nakaistorya eon man sigon nana ro pilang miyembro it Mataas ag Manabang Kapueungan it Kongreso ag nagapati imaw nga pagasuportahan ro nasambit nga hagna.
