KALIBO, Aklan—Ginkumpirma it Land Transportation Office ukon LTO-Aklan nga ko nagtaliwan nga domingo hay nakapaguwa eon it memorandum circular ro andang ahensiya angot sa standard maximum rate it mga driving school.
Suno kay Engr. Marlon Velez, hepe it LTO-Aklan nga epektibo Abril 15 hay igapatuman eon ro manabang sukot it mga driving school companies sa andang mga kustomer.
Nauna eon nga nagpaguwa ro LTO it standard maximum fee nga magiging guideline it kada driving school nga pagasukton nanda sa mga nagabo-oe it theoretical ag practical driving course.
Nakabaehag sa Memorandum Circular No. JMT-2023-2390 ukon “Omnibus Guidelines on the Accreditation, Supervision, and Control of Driving Institutions, and the Standardization of Driver and Conductor’s Education”, P1,000 pesos eang ro puwedeng isukot sa theoretical driving course, P2,500 pesos man sa practical driving course sa motorsiklo samtang P4,000 pesos sa practical driving course para sa light vehicle driving ag P8,000 pesos sa mga trucks ag pampasaherong bus.
Nagapakita nga masobra sa 50% ro nabawas halin sa presenteng sukot it mga driving school sa andang mga kustomer.
Gindugang pa ni Engr. Velez nga ro tikang it ahensiya hay sabat sa reklamo it publiko angot sa mataas nga sukot sa driving schools, kun sa siin raya ro nagapamahae sa gastos sa pagbo-oe it driver’s license
