KALIBO,Aklan– Ginrefer sa natungdan nga komitiba it Sangguniang Panlalawigan it Aklan ro proposisyon ni Aklan first district board member Nemesio Neron nga makaangkon it committee hearing para usisaon ro estado it insurhensiya sa probinsya it Aklan.
Nasayuran nga pilang dag-on eon halin kat gindeklara nga insurgency free ro probinsya it Aklan.
Apang, ko kan-o eamang hay may nag-eontad nga engkwentro sa tunga it tropa it Philippine Army ag New Peoples Army sa kabukiran nga sakop it banwa it Libacao.
Mag-eowas kara, may nadakpan man nga ekstorsyunista sa banwa it Makato kon sa siin nabulgar ro andang pagpangikil sa negosyante ag naaresto ro suspek nga si Prince Igudas it Tapaz, Capiz kaibahan si Maria Rita Malandac, tubong banwa it Kalibo apang presenteng naga-istar sa Oton, Iloilo.
Sa privileged speech ni board member Neron, gusto nana nga imbitahan ro mga natungdan nga otoridad para maklaruhan ro publiko ag kon anu ro dapat nga himuon angot sa nasambit nga isyu.
Kinahang-ean suno kana masayuran it tanan kon nagapabilin pa baea nga insurgency free ro Aklan matapos ro mga insidente nga imbolbado ro mga ginakabig nga rebelled.
