Ginsentensyahan it korte sa South Korea si dating Pangueong Yoon Suk Yeol it 30 anyos nga pagkakulong angot it pagpadaea sigon it mga drone sa North Korea.
Suno sa mga prosecutor, ginmanduan sigon ni Yoon ro operasyon ku Oktubre 2024 para pukawon ro Pyongyang ag magamit bilang rason sa anang napaseawang deklarasyon it martial law.
Sa desisyon it korte, napamatud-ang nagkasaea si Yoon ag pilang opisyal it anang administrasyon sa treason ag abuso sa gahum bangud sa operasyon nga nagtuga it mas mataas nga tensyon sa tunga it South ag North Korea.
Nagguwa man sa imbestigasyon nga ro drone operation hay nagpalala it perligro it militar nga inaway sa Korean Peninsula, samtang si Yoon ro ginakabig nga may pinakamabug-at nga saeabton.
Nauna eon nga napatalsik sa puwesto si Yoon matapos ideklara ro martial law ku Disyembre 2024 nga nauli sa maeapnagon nga protesta ag krisis pampulitika sa nasyon.
