NEGOSYO–Ginpahayag it Department of Labor and Employment (DOLE) nga posibleng mag-apply it exemption halin sa gin-aprubahang minimum wage hike order ro maisot nga negosyo.
Ginklaru ni labor secretary Silvestre Bello III nga posibleng magpa-exempt sa wage hike order ro mga establisimyento nga kapin sa 10 ukon mas manaba pa ro numero it mga empleyado.
Dugang pa it sekretaryo nga pwede man nga mag-apply ro mga mabahoe nga negosyo kun biktima ro mga raya it kalamidad.
Madumduman nga gin-anunsyo it DOLE ro pag-apruba it wage board sa 33 pesos nga dugang sweldo sa Metro Manila ag 55 hasta 110 pesos man nga umento sa Western Visayas.
Samtang, nagaeaum si Bello nga magapaguwa man it wage increase order ro ibang regional wage board.
Nauna eon nga nagpahayag it pagkabaeaka ro Employers Confederation of the Philippines (ECOP) sa magiging epekto sa maisot nga negosyo it gin aprubahan nga dugang nga kada adlaw nga sweldo para sa mga trabahador .
Suno kay Sergio Ortiz-Luis, Pangueo it ECOP, mayorya sa maisot nga negosyo hay indi masayuran kon siin pagaboe-on ro igapasweldo bangud sa pagkalugi tuga it COVID-19 pandemic.
