KALIBO, Aklan–Malipayon nga ginsug-aeaw it mga Filipino Community sa Toronto, Canada ro bag-ong dag-on.
Ro kada magpamilya kaibahan ro andang mga amiga ag amigo hay nagprepara it maabu nga mga pagkaon.
Suno kay Bombo International Correspondent Betsy Relente nga matapos ro daywang dag-on it pagpanaeasa it pandemya hay makaron eamang sanda uman nga nakaselebrar it hilway.
Raya hay bangud nga ginapasugtan eon ro pagpatigayun it gatherings.
Samtang nagahueat suno kana it new year’s countdown hay masadya sanda nga nag-inuman it wine, nagkaraoke ag nagsinaot.
Pila sa mga ginpahaum nanda nga pagkaon hay kare-kare, bangus, salmon, sardines ag maabu nga iba pang Filipino food.
Haeos magka-anggid eamang sigon ro estilo it pagselebrar it mga Canadian ag iba pang dumueo-o sa tradisyon it mga Pinoy.
