Ginpasiguro ni Senate President Sherwin Gatchalian nga kaibahan ro imbestigasyon sa flood control scam sa mga paga-obrahon it Korte Suprema sa pagbalik it sesyon it Kongreso sa July 27.
Suno kay Gatchalian, kaibahan sa mga nakalinyang imbestigahan it Senado ro mga anomalya sa flood control programs, kamana man ro school shooting sa Tacloban ag ro pagpahaum sa El Niño.
Separado pa sigon raya sa pagpamati para sa 50 prayoridad nga proposed bill sa idaeum it Legislative-Executive Development Advisory Council (LEDAC) nga kinahangean nga aksyunan, eakip ro national budget para sa 2027.
Ginpaathag ni Gatchalian, kinahangean nanda nga dueueungan nga tapuson ro mga nasambit nga trabaho kaibahan ro impeachment trial, bangud kon indi hay mabahoe ro magiging epekto kara sa paghinay it ekonomiya.
Gindugang pa it Senate President nga bangud sa kaabuon it dueueungan nga trabahong kinahangean nga tapuson it Senado, ginsuhestiyon nana ro pagtaeana kay Senator Chiz Escudero bilang presiding officer.
