KALIBO, Aklan—Makabig nga sambilog sa komplikadong sports ro football.
Raya ro ginpahayag it sangka Aklanon football coach nga si Kyle Justin Marcelino.
Suno kana, importante nga makaangkon it bastanteng kasayuran ro sangka player ag tumaean-aw para makabisado ro mechanics ag rules it hampang.
Ro football hay tanyag nga sports sa bilog nga kalibutan ag masami nga gina-abangan ro mga ginapatigayun nga World Cup kapareho it nagahilapit nga FIFA World Cup sa bahin it Qatar.
Ro kada koponan hay ginabilog it 11 ka mga player.
Buot hambaeon kara, kapin sa 22 nga mga players ro una sa sueod it field.
Masami sigon nga nagabuhay ro hampang it 90 minutos.
Samtang, ro pinaka-importante sigon nga parte it ensayo hay ro pagpabaskog it stamina para maging haum sa pagpasakop sa kompetisyon.
