Posibleng may milagrong magatuhaw makaron nga adlaw sa special session it Senado.
Raya ro naging pahayag ni “Ka Leody” De Guzman, national president it Partido Lakas ng Masa (PLM).
Suno kana, malamang nga maga-tabok sa Gatchalian Bloc sanday Sentors Joel Villanvueva ag Mark Villar bangud bukon it kaibahan ro daywa sa pagpasa it petisyon it Cayetano Bloc sa Korte Suprema.
Posible sigon nga insigida rayang naareglo kara nagpatawag eagi it special meeting nga gintaeana makaron nga adlaw.
Dugang pa nana, sa anang pagtan-aw, importante man ro mga agenda nga ginhathat para sa nasambit nga pagpupueong apang, mas importante eamang kanda ro politika, mag-daog ro gustong kampo it presidente, ag mapa-iway ro kampo it mga Duterte para nga mapadayon ro impeachment trial.
Makabig man sigon sa anang panan-awan nga “moot and academic” ukon bukon eon it epektibo ro petisyon nga gindihon it Cayetano bloc kun makompleto ag mabayluhan eon it bag-o ro liderato it Senado.
Paathag dugang nana, ro klase sigon makaron it pulitika sa nasyon hay uwa naga-istoya angot sa prinisipyo nga ginapanindugan it kada partido ukon grupo, kundi convinience eamang para sa andang kaugalingon.
