Nagdeklara eun sigon it gera ro nasyon nga Israel kontra sa mga militanteng grupo nga Hamas raya hay kasunod it surpresa nga gera kung siin ngani nga nagkibot sa bilog nga kalibutan kapin sa gin-atake nga nasyon ag gasuporta kara.
Pahayag ni Bombo International Correspondent Greg Aguilar it Estados Unidos nga nagpasalig man sigon ro Israel pinaagi kay Defense Minister Yoav Gallant nga uwa it tubi ukon kuryente para sa mga Hamas ag gintawag pa sigon nana raya nga “savages”.
Padayon man nga nagataas ro numero it mga namatay ag naninahan sa nasambit nga gera.
Dugang pa ni Aguilar nga may una sigon nga mga Amerikano nga namatay ukon ginpatihan nga gina-ubrang hostage sa mga tyempo ngara.
Ro pwersa man it administrasyon ni Biden hay ginpaeapta sa bilog nga Israel para maiwasan ro panakit ukon mga ibang hitabo nga resulta ku nagakatabo nga gera.
Samtang nagataas ro numero it mga naapektuhan ginakabig sigon it mga residente idto nga 9/11 ukon Pearl Harbor ro natabo kanda ag pinakamaeatay nga gera sa sueod it 75 anyos nga history sa sueod it sang adlaw sa Israel.
Panugiron pa ni Aguilar nga nagpangayo sigon it bulig ukon maabo nga precision-guided munitions para sa andang mga combat aircrafts ag padayon man sigon ro pag-alokar it US ku bulig nga kinahang-ean it Israel.
Makasueobo nga uwa man it kasayod-sayod ro mga sibilyan pero sanda ra hay ginagamit ag gina-atake ukon naubrang hostage sa nagapadayon gihapon nga gera.
Dugang pa ni Aguilar nga madugo nga klase it gera kung siin hay gina-ubra nga human shields ro mga inosenteng sibilyan.
