KALIBO, Aklan—Naging madinaeag-on ro ginpatigayon nga quarterly greyhound inspection sa pasilidad it Bureau of Jail Management and Penology ukon BJMP Aklan.
Sa nasambit nga aktibidad suno kay Jail Inspector Rolyn Malolos it BJMP Aklan hay kabulig nanda kara ro Kalibo Municipal Police Station, Philippine Drug Enforcement Agency ukon PDEA ag barangay council it Nalook, Kalibo.
May kaangtanan kara, uwa sigon it narekober nga kontrabando sa pasilidad it mga Person’s Deprive of Liberty ukon PDL.
Mag-eowas kara, nagpaidaeom man sa drug testing ro 33 ka mga personnel it pasilidad kaibahan ro mga PDL nga ginakaeakipan it 41 sa male dorm ag siyam sa female dorm eabi eon ro mga may kaso it pag-eabag sa Republic Act 9165 ukon Comprehensive Dangerous Drugs Act of 2002 kon sa siin tanan ro mga raya hay negatibo sa illegal nga droga.
Ginpahayag dugang ni Jail Inspector Malolos nga regular sanda nga nagapatigayon it inspection para masiguro nga uwa it makaeosot nga maskin anumang kontrabando ukon hinangiban nga magamit sa kaeainan sa sueod it pasilidad.
