Uman nga nag-angkon it kadungganan ro grupong Choreo N’ Cream, grupo it mga mananayaw sa probinsya it Aklan.
Suno kanday Jeth Rioja, adviser it nasambit nga grupo, ag Jaylord Villanueva, sub-leader it nasambitan man nga grupo, uwa nanda ginaekspekter nga makaangkon it kahigayunan nga mairepresenta bukon eamang ro probinsya it Aklan, pati eon man ro bilog nga nasyon para sa paaeabuton nga World Supremacy Battlegrounds-Dubai.
Sa makara, ginaumpisahan eon sigon nanda ro andang doble ukon triple pa nga pagpahaum sa paaeabuton nga kompetisyon.
Kaeabanan sa andang mga myembro hay mga estudyante kaya madja may kalisdanan sa andang oras bangud mas gina prayoridad man it nasambit nga grupo ro pageskwela it andang mga miyembro.
Ro nagapanguna man sigon sa andang hangkat para sa paaeabuton nga kompetisyon hay ro anda nga pinansyal nga kasapisad bangud eaban kanda hay estudyante pa eamang ag uwa pa it bastante nga pangitan’an para suportahan ro andang mga kinahangeanon sa maabit nga kompetisyon.
Madumduman nga nag-angkon it Choreo N’ Cream kadungganan bilang 2nd placer sa National Qualifiers Bacolod leg ku Nobyembre ag 5th placer man sa World Supremacy Battlegrounds Philippines National Finals ku Pebrero.
Samtang, naga-panawagan man sanda it suporta mapa pinansyal man ukon moral nga suporta para sa andang grupo.
