KALIBO, Aklan—Ginpamalibaran ni Police Lieutenant Colonel Don Dicksie De Dios, hepe it Malay Municipal Police Station ro naga-eutaw nga alegasyon kontra kana angot sa pagpang-abuso sa pilang negosyante sa isla it Boracay.
Suno kay De Dios, gin-imbestigahan eon imaw angot kara kaibahan ro business establishment ag indibidwal nga eakot sa isyu apang negatibo ro naging resulta.
Una sigon nga nag-eutaw ro nasambit nga isyu ko Nobyembre 2021 kat may sangka anonymous nga nagpadaea it sueat kay Regional Director Police Brigadier General Flynn Dongbo kung siin nakabaehag nga sang dag-on nga libreng naka-istar si De Dios ag ro anang bilog nga pamilya sa ginatumod kara nga establisyimento.
Nagpanindugan man ro opisyal nga owa raya it kamatuoran ag klarong pagpanamad eamang ro tuyo it mga tawo nga una sa likod kara.
