-- ADVERTISEMENT --
Umabot eon sa The Hague, Netherlands ro pinakabata nga unga ni dating Pangueong Rodrigo Duterte nga si Veronica ‘Kitty’ Duterte ag common law partner karang si Cielito “Honeylet” Avancena.
Dumiretso ro daywa sa Intenational Criminal Court detention center sa Scheveningen kun siin naka-detene ro dating pangueo.
Ro nadang pag-abot hay daywang adlaw antes ro pagselebrar it dating pangueo it anang ika-80 kaadlawan.
Una eon nga ginhambae ni Vice President Sara Duterte nga maabot man sa The Hague, Netherlands ro ina kara nga si Elizabeth Zimmerman.
