Ginkalipay it House Quad Committee ro pagsaylo it detention facility ni dismissed Bamban Tarlac Mayor Alice Guo halin sa Camp Crame sa syudad it Quezon paadto sa Pasig City Jail.
Ginhimo it House Quad Committee co-chair Dan Fernandez ro pahayag matapos imando it Pasig Regional Trial Court Branch 167 nga isaylo sa nasambit nga pasilidad ro dating alkalde.
Si Guo hay nagapangatubang sa kasong qualified trafficking sa nasambit nga korte ag uwa it ginatanyag nga piyansa.
Nagapangatubang man sa parehong kaso ro 14 nga kaparehong akusado ni Guo sa nasambit nga Korte.
Ginpahayag pa ni Fernandez nga pwede nandang inde pag-ipadayon ro paghinyo sa kustodiya kay Guo makaron nga ginmando eon it korte nga isaylo raya sa Pasig City Jail.
Gusto kunta nandang mabuoe ro kustodiya kara para inde mataw-an it PNP it special treatment si Guo.
