Nag-abot eon sa 13 ro kaso it Andes hantavirus ro nailista, kaibahan ro tatlong namatay.
Sa kabilugan, 11 nga kaso ro kumpirmado sa laboratoryo ag daywa ro ginakabig nga probable cases.
Raya eon ro ika-ap-at nga report angot sa outbreak nga may kaangtanan sa cruise ship travel, matapos ipahisayod sa World Health Organization (WHO) ko Mayo 2 ro mga kaso it grabeng respiratory illness sa barkong M/V Hondius.
Umpisa ko ulihing report ko Mayo 13, tatlong bag-ong kumpirmadong kaso ro gin-report halin sa Canada, Netherlands, ag Spain.
Ro dating inconclusive case halin sa Estados Unidos hay napamatud-an nga negatibo ag ginbo-oe eon sa listahan. Tanan nga kaso hay halin sa mga pasahero ukon crew it nasambit nga barko.
Bangud sa mahabang incubation period nga naga-abot sa an-um nga domingo, ginaeauman nga may mga bag-ong kaso nga magaguwa hasta nga matapos ro nasambit nga tiempo.
Pinaagi sa International Health Regulations (2005), nakipag-angot eon ro mga National IHR Focal Points agud nga suportahan ro international contact tracing ag monitoring efforts.
Suno sa WHO, manaba ro peligro it outbreak sa pangkalibutanon nga populasyon, apang padayun nanda nga ginabantayan ro epidemiological situation ag magatau it update kun kinahangean.
