POLICE Report — Nauli sa aksidente ro sangka selebrasyon it kaadlawan matapos nga maeapnos ro parte it uyahon it sangka babayeng Vietnamese kat magkaeayo ro anang ginabuytan nga hydrogen balloon nga nagdukot sa nakasindi nga kandila sa anang birthday cake.
Base sa report, ginabuytan it babaye ro maisot nga cake nga may sinding kandila sa sangka alima ag ro hydrogen balloon sa pihak nga alima.
Samtang nagapaeapit eon imaw agud nga huypon ro nakasinding kandila, aksidenteng nadukot ro lobo sa kaeayo ag gulping nagsiglab.
Bangud kara, nag-angkon ro babaye it first ag second-degree burns sa anang uyahon.
Nasunog man ro pilok it anang mata nga sa mayad nga swerte hay owa naapektuhan ro anang panan-awan.
Suno sa biktima, owa imaw naabisuhan it event organizers nga may posibilidad nga magkaeayo ro hydrogen balloon, bukon it kapareho sa ordinaryong lobo nga hangin eamang ro sueod.
