KALIBO, Aklan–Bangud sa pagtaas it mga aksidente sa karsada, ginlunsar it Land Transportation Office (LTO) Aklan ro pagpaidaeom sa theoretical driving course sa mga indibidwal nga gustong magbueo it students permit.
Suno kay Leah Ordoñez, general manager it K3rd driving school, kinahang-ean anay nga magpa-enroll sa driving school it sangka estudyante nga gustong mabuoe it lisensya kon sa siin, magapaidaeom raya sa 15 oras nga theoretical driving course sa sueod it tatlong adlaw.
Tig limang oras kada adlaw ro gintaeana para kara.
Ro 15 oras nga theoretical driving course hay nagabalor it P2,000.
Sa sueod it raya nga tyempo igaturo sa estudyante ro mga laye sa karsada, tama nga pagmaneho kamana man ro safety protocol agud nga makalikaw sa aksidente.
Ginpahayag dugang nga sa oras nga matapos ro 15 oras nga theoretical driving course ag makapasa ro estudyante hay pagataw-an nanda raya it certificate kung siin pwede eon imaw nga makabuoe it student license sa LTO.
Engkaso sigon nga indi makapasa ro estudyante sa module exam nga andang ginatao kada matapos ro limang oras nga lecture hay paga-umanon sigon nanda raya hasta nga eubusan eon nga maintidihan kara ro andang ginaturo.
Ro kinahang-ean eamang sigon nga daehon agud nga maka-enroll sa nasambitang driving school hay sangka valid I.D ag birth certificate halin sa Philippine Statistic Authority (PSA).
Nasayuran nga ro K3RD driving school ro kauna-unahang driving school nga accredited it Land Transportation Office (LTO) sa probinsya it Aklan.
