Ginpadaea ni Pangueong Ferdinand Marcos Jr ro igamnaghod kara nga babaye nga si Irene Romualdez Marcos Araneta para maging special representative kara sa State Funeral ni Queen Elizabeth II.
Suno kay Press Secretary Trixie Cruz-Angeles, nga paga-ibahan imaw it asawang si Gregorio Maria Araneta III.
Si Irene hay pangatlong unga nanday dating Pangueong Ferdinand Marcos Sr. ag dating first lady Imelda Marcos.
Nasayuran nga nagbiyahe eon si Pangueong Ferdinand Marcos Jr. para magtambong sa United Nations General Assembly sa New York.
Ginaeauman nga maabu nga mga foreign royals ag leaders ro maga-atender sa state funerals ni Queen Elizabeth II makaron nga adlaw ot Lunes.
Nagtaeana ro Westminster Abbey it 2,000 katawo, 500 head of state ag foreign dignitaries.
