BORACAY, Island — Nag-umpisa eon ko adlaw it Biyernes sa isla it Boracay ro ika-ap-at nga Southeast Asia Open Water Championships, nga ginpasakupan it masobra sa 100 nga swimmers halin sa Pilipinas, Indonesia, Singapore, Thailand ag Vietnam.
Kapin sa tatlong adlaw ro kompetisyon nga nagapadayon sa Boracay Newcoast ag ginpatigayon sa sangka protektadong bahin it kaeawran agud nga masiguro ro kaeowasan it mga atleta.
Kabulig sa pagsikyar sa seguridad ro mga lifeguard, Philippine Coast Guard ag Philippine National Police, kaibahan ro mga lokal nga gobyerno it Aklan ag Malay.
Tuyo it paindis-indis nga pabaskugon ro sports tourism sa nasyon ag maipakilaea sa mga partisipante halin sa ibang nasyon ro kaanyag it Boracay ag ro kulturang Filipino kamana man ginaeauman nga makatao it dugang nga aktibidad pang-ekonomiya ro nasambit nga international sporting events sa lokal nga komunidad.
Raya man ro unang kahigayunan nga nag-host ro Pilipinas it nasambit nga regional open water swimming championships.
Sa pihak nga parte, ginpasiguro mat-a it mga organizer ro kaeowasan it mga swimmers sa pinaagi it pagtaeana it life raft ag medical personnel sa mga strategic nga bahin it swimming course.
