Target it Iloilo City Health Office nga mabakunahan ro 95% ukon kapin 38,900 sa 40,973 ka kabataan nga edad 6 tubtob 59 ka buean sa measles-rubella supplemental immunization activity (MR-SIA) ag Vitamin A supplementation campaign nga magaumpisa makaron nga adlaw, Agosto 10.
Suno kay National Immunization Program Coordinator Mayette Gabanto, gamiton ro fixed vaccination sites imbes nga house-to-house vaccination.
Magaatubang it pagbuoe sa target nga mga kabataan ro barangay health workers.
May 118 ka vaccinators, eakip ro lima halin sa Department of Health, nga ipadaea para sa kampanya.
Sa MR-SIA ku 2023, 27,609 ka kabataan ukon 73.89% it target sa Iloilo City ro nabakunahan.
Gin-ako ni Gabanto nga padayon nga hamon ro vaccine hesitancy, ngani ginapabakod pa it health office ro impormasyon parte sa seguridad it mga bakuna.
Opisyal nga umpisahan ro kampanya sa kickoff ceremony sa Talatapan Child Development Center sa Iloilo City Hall, bilang bahin it nationwide campaign nga nagatuyo nga mapun-an ro kakueangan sa immunization ag mapunggan ro pag-eapta it measles ag malala nga baeatian.
