Ginpasugtan it Quezon City government ro rally it Iglesia ni Cristo (INC) sa White Plains Avenue sa makaron nga adlaw, Hulyo 1 matapos mataw-an it permit.
Ginabueubanta nga gaabot sa 100,000 katawo ro ginaeauman nga maga-tambong sa pagtililipon nga pagahiwaton bandang alas-8 it agahon hasta alas-8 it gabie.
Nakabaehag sa permit nga bawae ro eubos nga pagsarado it karsada ag dapat mapabilin ro kaayusan, kalimpyuhan, seguridad, ag maayos nga daloy it trapiko sa lugar.
Nauna eon nga nagpatigayon it demonstrasyon ro INC bilang suporta kay Sen. Rodante Marcoleta, samtang ginahambae it Philippine National Police (PNP) nga uwa it permit ro naunang pagtililipon.
Possible man nga bawion it lokal nga gobyerno ro permit kun mag-angkon it emerhensiya ukon pageabag sa mga gintaeana nga kondisyon.
