Ginkumpirma it Israeli military nga nawasak nanda ro underground infrastructure it grupong Hezbollah sa sangka village sa southern Lebanon.
Raya hay base sa joint statament nga gin-isyu nanday Israeli Prime Minister Benjamin Netanyahu ag Defense Minister Israel Katz.
Ginpasayod sigon it Israel sa Estados Unidos ro pag-atake antes raya ipatigayon.
Gintarget kara ro sangka tunnel nga may haba nga 200 metro ukon 656 talampakan sa Majdal Zoun town.
Ginlunsar ro pag-atake daywang adlaw eamang matapos magkasugot ro Lebanon ag Israel sa sangka security arrangement nga gin-areglo it Amerika, nga nagatuyong mapahupa ro kinagamo sa border.
Ginhambae man it Israel nga ro nasambit nga tunnel hay may sueod sigon nga ginatos nga mga armas ag launchers.
Gintawag man it Hezbollah ro pag-atake it Israel bilang sangka garapal nga pageabag it ceasefire ag ginpunto nga maid-id nandang ginabantayan ro tanan nga mga pageabag ag haum nga depensahan ro andang kaugalingon nga banwa ag pumueuyo.
