KALIBO, AKLAN — Gintalakay sa pueong it Association of Southeast Asian Nations (ASEAN) ro angot sa code of conduct framework nga gina eauman nga matapos makaron nga dag-un agud mapahagan-hagan ro tension sa South China Sea.
Sa sangka press conference, gin pahayag ni Department of Foreign Affairs undersecretary Charles Jose nga engkasong napabakod ro code of conduct, magiging legasiya raya ni Pangueong Rodrigo Duterte nga nagaserbeng chairman it ASEAN makaron nga dag-un.
Importante sigon raya agud mapabilin ro kaayusan ag seguridad ag malikawan ro tension sa lugar.
Pilang dag-un eon sigon nga gina trabaho ro framework matapos nga magkasugot ro China ag mga miyembro it ASEAN sa 2002 declaration nga likawan anay nga magpatukod it anumang istraktura sa gina agawang isla kun siin gin eabag raya it China.
Sa pihak nga parte, business as usual sa gihapon sa isla it Boracay apisar nga masako ro tanan sa gina patigayun nga pueong ag linibong pulis ro naka-deploy katuwang ro augmentation force maghalin sa Armed Forces of the Philippines (AFP) ag iba pang force multipliers.
