Madinaeag’on ro naging byahe ni Mayor Juris Sucro ag ro kabilugan nga Local Government Unit Kalibo Team sa Nagoya, Japan.
Raya ro pahayag ni Jay’ar Arante – Head it Media Team it LGU Kalibo sa pakikipag’angot it Bombo Radyo.
Manami ag positibo sigon ro naging reaksyon it mga pumueoyo it Japan sa pagdaea it Ati-atihan Festival sa lugar.
Mag’euwas kara, ang’angkon man it negosasyon ro espisipikong kompanya sa idto ag ro alkalde parte sa mga infrastructure projects it nasambitan nga nasyon nga mahimo ma’adapt it banwa.
Sa pihak nga parte, pahayag ni Jay’Ar nga maabo ro mga local bands ro magaperform hinduna nga gabei sa bisperas it Kapistahan ni San Juan de Bautists sa Pook Jetty Port.
Angot kara, haom ah anak deploy sigon ro mga Municipal Disaster Risk Reduction and Management Council, kapulisan ag iba pang ahensiya agud mag mamintinar ro katawhayan ag makaresponde kun may emerhensiya.
Samtang, paathag ni Arante nga parte sa maisyu nga bus stop sa may bahin it sangka eskwelahan sa Kalibo nga raya hay ginatun’an eun it LGU agud nga mapanabat ro may kakueangan.
Dugang pa nana nga maabo pa ro mga bantayan ag saligan nga himuon it alkalde nga mga infrastructure projects ag pati man sa turismo.
