Ginakalipay it mga miyembro it Kabataan Partylist Panay ro pagka-aresto sa dating Pangueo Rodrigo Duterte.
Suno kay Arlie Bosque, Secretary General it Kabataan Partylist Panay, makabig nga sangka kadaeag-an para sa mga kabataan ro pagka-aresto kay FPRRD bangud sa anang pagpatuman it gyera kontra droga ukon war on drugs sa anang termino hay maabong kabataan ro naapektuhan ag naging kaparte it extra judicial killings.
Naghiwat sigon sanda it kilos protesta kahapon kadungan it pag-atubang it dating pangueo sa International Criminal Court para ipanawagan ro pagpaconvict kana angot sa anang kaso nga crime against humanity.
Paathag pa ni Bosque nga ro andang pamantaw pati eon man it mga nagkaeain-eain nga grupo hay ro gyera kontra droga hay madja bukon para tapnaon ro droga ag kriminalidad, kundi gyera raya kontra sa mga pumueyuyo bangud makita sa gihapon makaron ro pageapta it illegal nga droga ag nagapadayon sa gihapon ro mga kriminalidad sa nasyon.
Suno pa kana, husto eang nga umintra ro ICC sa kaso ni dating pangueong Duterte bangud kun iya eamang raya bistahon hay indi raya mag-usad ag uwa raya it paga-adtunan.
Ro pagka-aresto ngara ni FPRRD hay makabig nandang mabahoe eon nga tikang apang uwa pa dikara nagatapos ro tanan bangud 20% paeamang ra sa pag-abot it hustisya para sa mga nagng biktma.
