KALIBO, Aklan — Ginpatuman eon it Kalibo Municipal Police Station ro hugut nga police visibility sa banwa kasunod it maeapnagon nga panakawan .
Suno kay P/Major Willian Aguirre, deputy chief of police it Kalibo MPS nga kasunod it direktiba it OIC chief of police P/Major Frenzy Andrade hay nag-umpisa eon sanda nga magpakalhit it mga kapulisan nga naka-plain clothes eabi eon sa gabi-i agud nga mag-roving sa pilang mga vital installations ag matawong lugar.
Bangud nga kueang sigon sanda sa kapulisan, ginhinyu nanda ro bulig it mga punong barangay pinaagi sa pagpatigayon it kaugalingon nga pagpatrolya it andang mga tanod bilang force multipliers .
Dugang pa nga ginatutukan man nanda ro profiling it mga nadakpan nga mga manakaw nga makaron hay nakahilway eon .
Sa pihak nga parte, bangud sa nagahilapit nga Paskwa, mas kinahangean suno kay Major Aguirre nga mas pang pabaskugon ro security measures kapareho it pagbutang it mga CCTV camera sa mga kabaeayan ag mga establisimento kontra sa mga nagkalhit nga mga kawatan ag iba pang klase it lawless elements.
